相信唔少人從小就希望成為小精靈訓練員，但齋玩 Pokemon GO 又點會夠，想更入型入格就一定要著番套戰衣先得！最近日本 amazon 就有得賣啦！
Pokemon GO 戰衣有男女裝兩款，由衫褲、內衣同帽都跟足小精靈訓練員的服裝設計，不過暫時男裝只有紅白色，女裝只有黃配粉紅，唔似 game 入面可以自由選擇，全套 ¥17,200。著住佢唔知會唔會更易吸引啟暴龍呢？
▲ 男裝的紅白色配搭相當醒目。
▲ 就連入面件灰色底衫都有，細緻位跟到足。
▲ 仲包埋鴨嘴帽，唔怕戶外行得耐曬親。
▲ 女裝就只有黃色同粉紅色的配搭，睇落都算順眼。
▲ 雖然未必有 game 入面角色的豐滿身材，不過內衣同樣係圓領，未必個個著得起。
▲ 女裝的帽同男裝有少少唔同，而且無咗個精靈球圖案，唔太特別。
▲ 如果想低調 D 話俾人知自己係小精靈訓練員，可以戴呢頂帽，上面印埋你係邊隊，溝女都易 D！都只係 ¥1,723 。
▲ 著晒成套戰衣，已經入型入格。有埋呢個神器（¥1,280）就可以成為百發百中的小精靈訓練員啦！
資料來源：www.amazon.co.jp
相關文章:
白俄：Pokémon Go 是西方間諜工具 指控遊戲收集國家軍事機密 香港 Pokémon Go 世界冠軍受訪 募集贊助被當成騙徒 + 曾因旅費問題想放棄 香港16歲少年奪 Pokémon GO 世界冠軍 首位亞太區選手奪冠
分享到 :
最新影片
